منتدي حياتي

الرئيسيةقصص - حكايات- قصص حب 2018- قصص رومانسية جديدة 2017وهكذا احبتتك

وهكذا احبتتك

كتب : admin
نشر منذ : 6 سنوات
في تاريخ مايو 05,2018
وهكذا احبتتك

تنزيل او للتحميل من رابط مباشر اضغط بالاسفل download free 2017 or 2018 تحميل افلام جديدة press the bootem البنات , بوك , سمر , والفيس , قصة , كتابةوهكذا احبتتك• كان فيه بنت بتدخل الفيس حياتها كلها مرتبطه بالنت لانها كانت مش بتخرج ولا متعوده غير على البيت كانت كل حياتها تتلخص فى الفيس وانها تتفرج على افلام هندى ومسلسلات كانت مجنونة بالحاجات دى ومجنونة بالحب اكتر كان نفسها تحب واحد وتعيش معاه قصه فيلم هندى هيا كانت متخيله الدنيا كده

• المهم فى يوم دخلت على بيدج وعلقت تعليق عادى على كلام عاجبها راح ولد شاف تعليقها واعجب بيه وكلمها الوقت ده كان فى رمضان احلى شهر فى السنة المهم فضل يتكلم معاها كلام عادى بس هيا كانت رافضه الموضوع فى الاول لانها كانت مش تعرفه وبعتت ليه لينك البيدج بتاعها وابتدى يتكلم معاها ويعلق على كلامها فى البيدج ويسالها عن رايها فى البوستات وليه بتنزلى البوست ده وايه رايك فى ده شدها ليه وكانوا بيتكلموه فى السياسه وفى كل حاجة كانهم اصحاب وابتدوه يقربوه من بعض اوووووووووووووى 1397307890881.jpg

• لدرجة انها كانت مش بتسيبه غير لما المغرب يادن عشان تفطر يفضلوه مع بعض لحد ما يقول الادان الله اكبر يسيبوه بعض ويفضلوه مع بعض تانى لحد الفجر ما يقول الله اكبر وفضلوه على كده شويه ايام لحد ما قلبها اتعلق بيه فعلا بقى بالنسبه ليها كل حاجة اول ما تصحى تجرى على النت عشان تكلمه ومش تعرف تنام غير لما تتطمن عليه وكان بيحكى ليها كل حاجة عن حياته وهيا كمان حكت كل حاجة

• باعدين طلب منها رقم تليفونها فى الاول اعترضت وقالت لا مش ينفع بعدها بشويه قالت وايه المشكله ما انا بحبه وفعلا نفسى اسمع صوته وقررت تلعب بالقدر لو ربنا عايز يجيب الرقم هيخليه يعرف اخر رقمين من رقمها اديته الرقم ناقص رقمين وقالت ليه لو جبتهم ابقى كلمنى وقالها لا كده ظلم كفايا رقم المهم قالت طب هقربها ليك وراحت قالت ليه الرقم الاول فردى والتانى زوجى ومتكرر فى الارقام وليك 5 محاولات لو جاوبت صح اوك ولو مش جاوبت يبقى خلاص مش تفكر فى رقمى ورينى شاطرتك يا باشمهندش لانه كان فى هندسه

• وفعلا جاب الرقمين اللى باقيين واتصل بيها

• وابتدى يكلمها على الفون وقربوه من بعض اكتر واكتر وابتدت تتعود تصحى على صوته عشان يقولها صباح الخير كل يوم تحط الفون جمبها ومش ترضى تصحى غير لما يتصل يقولها صباح الخير يلا قومى واتعودت على وجوده جمبها وابتدى الكلام يزيد ويبقى مش مجرد صباح الخير لا كمان الكلام بقى بالليل لحد ما الفجر يادن ويناموه

• وعدت ايام وايام بس للاسف الحلو عمره ما بيكمل

• البنت اتعلقت بيه اوى وحبته اوى بس للاسف قولنا الحلو مش بيكمل البنت مش كانت عارفه اى حاجة عنه غير انه واحد كلمها واتعلقت بيه اللى حصل كالاتى

• الولد طلع ابن واحد غنى جدااااااا وهيا كانت عادى من طبقه عاديه المهم البنت كانت وهيا صغيره بتحب ولد غنى برضه بس اهله كانوا مش بيحبوها عشان كانوا فاكرين انها بتمثل عليه عشان الفلوس فخافت تحب الولد ده وتتعلق بيه ويفهم ان عشان الفلوس وانها طمعانه فيه

• فلما كلمها فى الفون وسالته انت من فين وساكن فين طلع من بلد وهيا من بلد بالاضافه انه غنى جدا هيا افتكرت اللى حصل معاها زمان لما كانت صغيره واتهام اهل الولد ليها انها بتحب عشان الفلوس خافت اوى لتنجرح تانى قالت للولد انا مش ينفع اكلمك لان حصل معايا قبل كده الولد سمع كلامها باعدين سكت هيا كانت مستنيه منه رد غير كده كانت مستنيه منه يقول ليها انا عارف انك مش كده انا بحبك لانهم كبار مش عيال زى الولد التانى بس للاسف سمع كلامها وسكت وهيا داست على قلبها عشان كرامتها

• البنت طبعا اتعلقت بيه اوى لدرجة ماحدش يتخيلها رغم ان كل معرفتها بيه كانت مجرد فيس بس كان عندها كل حاجة لانها للاسف كانت الافلام ماثره عليها وكانت كل حياتها متوقفه على الاحلام

• وكان فيه واحده قريبتها بتحكى ليها عن الحب والبنت كانت بتعشق الحب بجنون بجنون بمعنى جنون بجد وحكت ليها انها كانت بتحب واحد بس اهلها رفضوه وهيا من كتر ما كانت بتحبه استنيته عمرها وهوا مش اتجوز وفضل يشتغل عشانها ويعمل كل حاجة بس للاسف على ما ظبط حياته وجهه عشان يتجوزها كانت ماتت فعشان كده البنت دى كانت متاثره بالحب اوووووى اكتر من اى حد وفى الوقت ده كانت بتتفرج على مسلسل امير وفريحه كانت حاسه ان القصه مشابهه لحياتها وكانت بتتمنى انه يكون امير بس للاسف طلع حاجة تانيه

• البنت بعد ما قالت للولد الكلام ان هيا مش تنفع ليه عشان هوا مستوى وهيا مستوى تانى الولد اتغير معاها بقى مش بيكلمها ولا بيرد عليها وفضلت تتصل وتكلمه وتبعت فى رسايل صوتيه وتبعت فى مسج على الفيس وعملت جروب وكانت بتحكى ليه كانه معاها وقد ايه هوا وحشها وقد ايه هيا محتاجه لوجوده جمبها بس للاسف كانت بتتعذب من غير اى نتيجه وبعد عنها الولد فتره كبيره قضت اسوا ايام حياتها وهوا بعيد عنها كانت بتتعذب وفضلت تحاول توصل ليه تتطمن عليه ……. اى حاجة تفهم هوا بقى بيكرها عشان هيا مش من مستواه ولا هوا هرب ولا هوا كان بيتسلى

• للاسف حياتها اتقبت من سعاده ابديه لحزن لدرجة انها كانت بتفضل تتخيله قدامها تفتح صورته وتتكلم معاها كانه موجود قدامها وتقول ياترى انت لسه فاكرنى ياترى انت بتحبنى ياترى انت فين ايه حصلك ؟

• للسف البنت فضلت تتعذب كتير اوى لانها حبته بجد اوى

• فضلت كل يوم تفكر فيه فضلت تدعى ربنا يرجع او حتى تطمن عليه تعرف هوا ليه عمل كده هوا زعل عشان قالت ليه الحقيقه بس هوا فهم غلط هيا مش مستواها وحش هيا عادى زى كل الناس بس هتعمل ايه تفهمه ازاى انها عندها عقده وانها مش طمعانه فيه زى ما هوا متخيل

• المهم فكرت لحد ما لقت حل اخيرااااااااا عملت اكونت باسم ولد ودخلت بعتت ليه ادد هوا واصحابه الولد مش قبل الادد قلقت اكتر البنت المهم ولد من اصحابه قبل الادد ورد عليها طبعا هيا كانت بتتكلم على اساس انها ولد الولد صدقها بس هيا حست بتانيب ضمير جامد لانها كدبت وقررت تقول للولد الحقيقه وفعلا قالت الحقيقه قالت انا بنت مش ولد وعملت الاكونت عشان اطمن على الولد اللى بحبه لان حصل كذا وكذا

• الولد صاحبه حس فعلا انها بتحبه وقال ليها انا هساعدك بس ازاى اتاكد انك مش بتكدبى عليها قالت ليه طب اعملك ايه قالها عايز اسمع صوتك انك بنت وافقت طبعا وكلمت الولد واتاكد وحكت ليه كل اللى حصل والولد قرر انه يساعدها لانه حس انها طيبه وبتحب صاحبه

• بس الولد مش كان بيفتح اصلا ولا بيرد على حد لانه كان عنده مشكله مش مجرد موضوع انه هرب منها وفضلت تتعذب وهوا بعيد لان ماحدش عارفه عنه حاجة لدرجه انها من كتر عذابها قررت تسافر ليه عشان تعرف ايه حصل ليه قررت تروح ليه بلده تشوفه ماله ايه حصل ليه ؟

• راحت حكت لاصحابها بس قالوه لا مش تروحى مش يمكن يكون بيضحك عليكى ازاى تروحى بلد مش تعرفى فيها حد افرضى كان بيضحك عليكى البنت قلقت من كلام اصحابها وقررت تستنى وتستحمل العذاب وكل يوم بيفوت البنت بتتعذب اكتر وكل يوم تبعت رساله يمكن يرد لكن للاسف ما فيش حاجة بتتغير غير ان يوم بيفوت ويوم بيجى وهيا مستنيه رجوعه مستنيه انه يقولها اى كلمه مستنيه تعرف اى حاجة اول ما يرن تليفونها تجرى عليه تقول يمكن هوا وعدت الايام لحد ما رمضان خلص

• خلص رمضان للاسف اخر يوم فى رمضان كل الناس فرحانه بالعيد وبتخرج الا البنت قاعده فى البيت وزعلانة وعماله تفكر فى الولد ياترى هوا فين ياترى عامل ايه لانهم كانوا بيحكوه مع بعض وهما فى رمضان هينزلوه يجيبوه لبس ايه وهيا تقوله هات قميص وهوا يقولها لا تيشرت وعمالين بقى يختاروه وهتروح فين وتعالا فسحنى وكلها احلام بعتت ليه رساله صوتيه على الفون ومش رد عليها راحت بعتت رساله لو عايزانى ابقى مبسوطة ارجوك رد عليا

• احنا فى العيد وكل الناس مبسوطة الا انا ارجوك رد عليا

• المهم اخيرا الولد رد عليها مابقتش مصدقه نفسها من كتر الفرحه اللى كانت فيها كانت حاسه انها طايره من كتر الفرح وهيا على الارض

• البنت

• اخيرااااااااااا رديت

• الولد

• اه اخيرا رديت

• البنت

• ليه عملت كده ؟

• الولد

• عملت ايه

• البنت

• بعدت عنى ليه ؟

• الولد

• مش انتى اللى طلبتى وقولتى انا مش من مستواك ابعد عنى ادينى بعدت

• البنت

• انت مش فاهم حاجة انا قولت كده عشان انا كنت بحب واحد كان مستواه اعلى منى وقالوه انى بحبه عشان فلوسه وماكنتش عايزاه اتجرح تانى

• الولد

• انا عقابتك عشان مش تعلمى كده تانى وتقولى ابعد عنى تانى

• البنت

• انت بايخ بجد ازاى تعمل كده انا كنت تبعذب عشان انت بعيد عنى مش صعبت عليك حرام عليك بجد

• الولد

• ما انا كمان كنت بتعذب

• البنت

• انا بجد اتاكدت انى بحبك اوى

• الولد

• وانا كمان بحبك

• وفضلوه يتكلموه مع بعض وياترى عملت ايه وذاكرت وايه حصل معاك احكيلى بقى كل يوم بيومه وهوا يقولها ايه خلصتى المسلسل اللى كنتى بتتفرجى عليه

• وفضلوه يحكوه مع بعض ومش ناموه والبنت هننزل نصلى باعدين نرجع ننام ده احلى عيد فى حياتى

• ايه بقى مش هتنزل تخرجنى ولا ايه

• اه كمان خروج ياريتنى ما رديت ههههههه لا بجد حاضر ياستى كل اللى انتى عايزاه هعمله وناموه بقى

وبكرة اول يوم العيد

• وجهه اول يوم العيد البنت كانت هتموت من الفرح

• اول ما صحيت عشان تصلى فضلت ترن ترن ترن على الولد عشان يصحى وتبعت رسايل وهوا ولا هنا نايم

• المهم راحت تصلى البنت ورجعت ترن وهوا لسه نايم المهم راحت نامت وقالت ليه بقى ده اللى هتخرجى انت وحش

• وسبته نايم ونامت هيا كمان المهم صحيت لقيته اتصل بيها راحت كلمته وفضلوه يتكلموه حوالى 4 ساعات ويحكوه ويتكلموه ويحكوه ويضحكوه مع بعض

• لكن للاسف برضه السعادة كانت مجرد يوم بعد ما رجع وعلقها بيه رجع اختفى تانى بعدها بيوم

• رجع صحى نبض قلبها واختفى تانى

• البنت مش عارفه هيا عملت ايه عشان يختفى تانى ياترى انا عملت ايه ؟

• ياترى انا زعلته ؟ ياترى انا قولت ليه حاجة غلط ؟

• وعامله تفتكر فى كلامها معاه لتكون غلطت فى وسط كلامها وقالت حاجة تزعله لكن للاسف

• مش لاقيه اى حاجة قالتها تزعله فضلت تعيط وتفتكر كلامها معاه

• وهيا بتقوله مش تبعد عنى تانى ابدا مهما حصل خليك دايما جمبك

• وهوا يقولها مش هبعد

• وهيا تقوله لو غلطت فى حاجة قولى بس مش تبعد انا بتعذب اوى وهوا يقولها حاضر مش هبعد عنك تانى

• البنت حست ساعتها انها غبيه اوى لدرجه انها كانت عايزاه ترمى قلبها وتدوس عليه لانها مش كانت عارفه هوا بيحبها ولا لا

• وفضلت تسال نفسها ياترى بيلعب بيا هوا ليه بيعمل معايا كده

• اللى انا بشوفه فى الافلام غير كده

• ما فيش حد بيحب حد بيعذبه ولا يبعد عنه

• وفضلت تتعذب تانى وهوا بعيد بس المرة دى بعده طااااااااااااال اوى

• وهيا تفكيرها زاد اوى ياترى ليه بس مش بقت تجرى وراه يعنى سبته وعملت جروب ليهم هما الاتنين ونزلت ليه عليه كل مشاعرها واحساسها وكنت بتتكلم وكانه موجود فى الجروب من كتر ما هيا اتجننت بحبه كانت بتعشقه غصب عنها

• بس غيابه طال والبنت ابتديت تتخيل على بروفايله عشان تفهم شخصيته تفهم هوا ليه بيعمل كده

وللاسف البنت اكتشفت حاجات كسرت قلبها بس حبها كان اقوى من كل حاجة اكتشفتها وحاولت معاه للاخر

• كل احلام البنت فى لحظة اتدمرت لما اكتشفت ان الولد ده عنده اكونتين اكونت لاهله واصحابه وهوا ده اللى كان بيكلمها منه

• واكونت تانى لرغباته ونذواته للاسف الولد ده كان بيتكلم مع البنات فى الجنس كل امال البنت اتدمرت كل احلامها راحت قلبها اتكسر فعلا

• وبقى تفكيرها تفكير تانى ليه كلمنى ياترى كلمنى عشان كده ؟

• معقول مش بيحبنى ؟ معقول كان بيكدب عليا ؟

• معقول كل ده تمثيل عليا ؟

• طب ازاى وانا حبيته معقول بحب خيال معقول ؟

• وفضلت دماغها تروح وتودى ومش عارفه تقول لاى حد اى حاجة اصلها هتقول ايه هتفضح الولد اللى بتحبه هتخلى منظره وحش

• فضلت تدعى ربنا وفى الاخر ربنا خلاها تستحمل وتحاول تغيره وهوا ده فعلا اللى حصل البنت ابتديت تنصح الولد فى الجروب بعيد عن كل الناس يعنى تنزل ليه وتقوله ان الكلام ده حرام مش تعمل كده مش تشوف الحاجات دى ولا تتكلم مع البنات لان ده حرام ربنا هيزعل منك

• حاولت بكل طريقه لدرجه انها قالت ليه انا هبعد عنك عشان تتغير ومش تكلم اى بنت لا انا ولا غير بس ارجوك اتغير عشان خاطر ربنا مش عشان خاطر حد عشان ربنا مش يعذبك

• طبعا كل الكلام ده والولد مش موجود اصلا هيا كانت بتنزل وتحط للولد ولما يبقى يرجع يبقى يشوف

• حاولت البنت بكل طريقه فى الدينا تغيره لانها كانت فعلا بتحبه ويمكن بتحبه كانت كلمه قليله بس للاسف مش كل حاجة بنلاقها زى ما بنتمناها

• وكل يوم تدخل البنت الجروب تشوفه شاف البوستات ولا لا لحد ما رجع الولد بعد شهرين وتقريبا يوم عيد الحب رجع الولد وقالها كل سنة وانتى طيبه وانه بيحبها طبعا البنت مش بقت زى الاول

يعنى انت تبعد وترجع تقولى بحبك اقول انا كمان انا قلبى مش لعبه لان دى تانى مرة يبعد عنها وهنشوف بقى اللى هيحصل لما رجع فى عيد الحب

• المهم الولد رجع البنت مش عارفه تقوله ايه بس كل اللى قالته انا قلبى مش لعبه فى ايدك عشان تبعد وترجع انا بتعذب فعلا لما بتبعد عشان كده انت بتلعب بيا ومش بتحبنى

• الولد انتى مش عارفه انا فيا ايه وكان ايه حصل

• البنت ايه يعنى اللى حصل يمنعك انك مش ترد عليا ولا تكلمنى

• الولد انا كنت فى مصحه

• البنت مصحه مصحه ايه وليه مالك

• الولد انا كنت بشم

• البنت ليه عمل كده

• الولد لو سمحت مش تتكلمى فى الموضوع ده موضوع وانتهى

• البنت حست انها ظلماه وصالحته لانها بتحبه

• بس ليا شرط عشان نرجع ونتكلم

• الولد مممممممم قولى

• البنت انك تبطل تتفرج ع الحاجات الوحشه وتبطل تتكلم من الناس الوحشه وتقفل الاكونت ده

• الولد ماشى بس مش دلوقتى ادينى وقت

• البنت ماشى لحد ما تتغير احنا هنفضل اصحاب بس ومش هقولك لا بحبك ولا وحشتنى ولا اى حاجة بس كده

• الولد وهوا ده ينفع برضه

• البنت اه ينفع هوا ده اللى عندى

• الولد طيب

• البنت ماشى

• هتتغير امتى لما تخلصى امتحاناتك اوك

• البنت طبعا كانت داخله على الامتحانات وكانت مش ذاكرت من اول السنة ابتدت يشجعها وذاكرى عشان تنجحى وكلام زى كده

• وهيا كانت بتحبه ونفسها تفرحه فعلا وكانت بتسمع كلامه فى كل حاجة

• وبقت مش تفتح الفيس عشان تذاكر عشان تجيب درجات كويسه عشان تثبت ليه انها بتحبه وهتعمل المستحيل عشانه وبعدت عنه شهر الامتحانات ورجعت على مفاجاااااااه

• وتعتبر المرة الوحيده وكانت دى تعتبر اخر فرصه للولد عشان يثبت حبه لكنه للاسف ثبت حاجات تانيه

• غابت البنت شهر عشان تذاكر عشان الامتحان كان فى شهر

• الولد طبعا كان فيه طبع وكمان طلع مش بيحبها وطلع كل ده تسليه بقلبها والبنت كانت مسكينه صدقت حبه واتعلقت بيه اوى اتعلقت بخيال رسمته على شيطان

• رجعت البنت بعد ما خلصت امتحانات لقت الولد مسحها من عنده

• استغربت بس سكتت قالت يمكن فيه حاجة المهم

• طلعت النتيجه والبنت نجحت طارت من الفرحه واول ما عرفت راحت تقول للولد على الجروب انا نجحت وانت ليك الفضل فى ده عشان شجعتنى ووقفت جمبى

• لكن للاسف المرة دى كانت غير كل المرات البنت اتفاجات بنت بتكلمها

• هاى يا……

• هاى ياقمر

• مين حضرتك

• انا واحده ومحتاجه انك تساعدينى ارجوكى انتى الوحيده اللى هتقدرى تساعدينى

• البنت اتفضلى ياقمر قولى صدقينى لو هقدر هساعدك وهعمل اللى فى ايدى بس انا مش اعرفك هساعدك ازاى

• البنت انتى تعرفى كذا البنت فى سرها ( ياترى مين دى اللى بتسال على الولد اللى بحبه )

• البنت اه اعرفه ليه يا حبيبتى فيه حاجة

• البنت التانيه ممكن تقولى ليا كل اللى تعرفيه عنه

• البنت واقولك ليه انتى عايزاه ايه

• البنت التانيه بالله عليكى قولى ليا ساعدينى ارجوكى

• البنت طب ممكن افهم فيه ايه عشان اساعدك

• البنت التانيه انا هحكيلك بس بالله عليكى ماحدش يعرف انا حاسه انك طيبه وهتساعدينى

• البنت صدقينى لو هقدر هساعدك انا ومش هتاخر عليكى

• البنت التانيه جزاكى الله خيرا

• وطبعا كانت الصدمه الكبيره للبنت البنت دى كانت الضحيه التانيه للولد واللى حصل كالاتى

• البنت بتحكى قصتها انا كذا من بلد الولد وكنت متجوزة واتطلقت والولد ده كان واقف جمبى وبيساعدنى ضد جوزى عشان جوزى كان بياذينى وبعد كده دخلت انا والولد فى قصه حب وللاسف غلطنا مع بعض انا وهوا وبعد كده الولد هرب منى واختفى من حياتى ومش بقى بيرد على تليفونه

• البنت اتصدمت صدمه عمرها انتى بتقولى ايه ازاى وامتى الكلام ده حصل انتى بتهزرى صح ؟

• لا والله مش بهزر ده بجد يابنتى انا لسه كنت معاه من شهر طب انتى عرفتينى من فين ؟

• هوا حكى ليا عنك وقال انه كان بيحبك بس انتى كنتى بتحبى فلوسه

• انا كنت بحب فلوسه انتى كدابه وبتكدبى عليا انتى عايزاه منى ايه

• طب انا هثبت ليكى وراحت مدخلانى جروب وعلى الجروب كلام حب بينها وبينه وصورته فى الجروب

• اتصدمت البنت جدا معقول ده اللى بحبه معقول يعمل كده قلبها اتكسر نصين بجد حياتها كلها اتدمرت كرهت كل حاجة فى حياتها البنت بتحكى ليها وقلب البنت بيتقطع وماحدش حاسس بيها

• البنت انتى ليه اخترتينى عشان تقوليلى

• قالت ليها هوا حكالى عنك ولقيته كاتب ليكى بوستات وعملت اشاره فكلمتك عشان تساعدنى

• راحت البنت قالت ليها ازاى تعملى كده فى شهر انا اعرفه من زمان وحتى عمرى ما قبلته وانتى فى شهر تعملى كده اهه اللى حصل

البنت اتعطفت معاها برضه دى بنت زيها وفى مشكله قررت تساعدها واتصلت بالولد عشان تخليه يكلم البنت لكن للاسف مش رد سابت ليه بوست ع الجروب لو سمحت لو فتحت وشوفت رسالتى كلمنى عيزاك ضرورى

• الولد فعلا اول ما شاف الرساله اللى على الجروب كلمها لانه ماكنش عارف ان الموضوع ممكن يوصلها

• الولد الو

• البنت مين

• الولد انا كذا

• البنت قلبها يدق جاااااااامد بس خلاص مش ينفع للاسف انا عيزاك فى حاجة مهمه

• الولد حاجة ايه

• البنت انا عرفت كل حاجة

• الولد عرفتى ايه

• البنت عرفت انك غلطت مع بنت وضحكت عليها

• الولد انتى عرفتى ازاى وانتى فى بلد وانا فى بلد

• البنت ربنا عايز كده بقى تعمل ايه

• الولد انتى اكيد مش البنت اللى اعرفها انتى اديتى الاكونت بتاعك لحد

• البنت والله لا دى انا انت لسه مكلمنى عالفون

• الولد هيتجنن ازاى عرفت دى كل حاجة

• البنت ممكن اعرف ليه عمل كده

• الولد شيطان بقى وانا ندمان ومش هقدر اقول غير ان ربنا غفور

• البنت طب انت بتحبها

• الولد لا دى غلطه

• البنت يعنى ايه غلطه انت لازم تصلح غلطتك

• الولد كل اللى اقدر اعمله انى ادعى ربنا وخلاص انا مش ينفع اتجوزها دى اكبر منى وهيا اللى غلطانة اصلا

• ممممم البنت سمعت الكلام وفى نفس الوقت لسه بتقول لنفسها اكيد دى لعبه وهوا مش ضحك عليا مش متخيله الموضوع

• والولد قال للبنت انه ندمان وانه سايب بيت اهله لانهم عرفوه وفضل يتكلم معاها البنت غصب عنها لقت نفسها بترجع ليه تانى من غير ما تحس والبنت اللى غلط معها كلمتها وقالت ليه انا اللى غلطانة انا اللى عملت كده فى نفسى انا اللى شجعته وهوا فضل يعيط بعد ما حصل اللى حصل

• البنت مش عارفه تتصرف ازاى بس كل اللى عرفته ساعتها انها مش ينفعش تتخلى عنده وهوا محتاج ليها ووقفت جمبه وشجعته يصلى وحاولت تهديه وتخليه يتكلم معاها ويحكى ليها كل اللى فى قلبه وحكى وهيا خففت عنه وكلمت البنت لانها برضه خففت على البنت وحاولت تكون صاحبتها وطلبت من البنت انها تسامحه وهيا فعلا سامحته

• وهوا بقى بيصلى والبنت كانت بتصحيه كل يوم يصلى الفجر ويدعى ربنا وفضلوه مع بعض يوم الخميس طول الليل يتكلموه وصحته للفجر وفضلوه مع بعض لحد الساعه 7 الصبح

• وطلبت منه انه يبص للسما ويدعى ربنا يسامحه واهله يرضوه عنه وهيا طلعت تدعى ربنا يهديه ويغفر ليه واهله يسامحوه

وجهه تانى يوم الجمعه والبنت كانت قلقانه من رد فعل اهله وفضلت تدعى انهم يسامحوه وفعلا سامحوه ورجع البنت وفضل يتكلم هوا والبنت ولاول مرة من بعد 8 شهور قرروه يشوفه بعض

• فضلت البنت مع الولد يوم الجمعه يتكلموه مع بعض

• البنت : انت ليه عملت كده

• الولد : الفراغ اللى انتى سبتيه عشان سبتينى وبعدتى شهر

• البنت : مش انت قولت اقعدى ذاكرى

• الولد : مممم معلش بقى اللى حصل حصل بس انتى بتعرفى كل حاجة عنى ازاى اوعى تكونى عامله ليا عمل

• البنت : لا والله مش عامله حاجة

• الولد : انا اسف

• البنت : وانا كمان اسفه انى بعدت عنك مش هسيبك تانى ولا هسبلك وقت فراغ

• الولد : سامحينى انتى بجد مافيش منك

• البنت : مسمحاك خلاص بقى بلاش نكد

• الولد : انا بجد بحبك ووحشتينى اوى

• البنت : وانا بعشقك وبعشق اهلك

• الولد : وانا بعشق امك

• البنت : مالكش دعوة بامى انا بغير

• وفضلوه على كده يوم الجمعه والسبت لانهم كانواه هيشوفه بعض يوم الاحد

• البنت : ممكن بقى مش تبعد عنى تانى ابدا

• الولد : انا خلاص مابقتش اقدر ابعد عنك تانى

• البنت : طب بص بقى فيه شويه شروط كده لازم منها ممكن

• الولد : انتى تؤمرى

• البنت : اولا تقفل الاكونت اللى عليه الحاجات الوحشه

• الولد : حاضر

• وقفله فعلا

• البنت : ثانيا تنزل تشتغل وتصلى

• الولد : حاضر

• وكل حاجة كانت تمام لحد يوم الاحد والبنت حكت للبنت اللى ضحكت عليا كل حاجة وهيا انبسطت وقالت ليها خليكى جمبه انتى اللى هتقدرى تغيره وهيا طلبت منها انها تسامحه وقالت انا هسامحه عشان بس عرفتك عشان انتى طيبه وتستاهلى كل خير

• البنت بقى قلبها بيدق مستنيه الولد يجى من السفر لاول مرة بعد 8 شهور هتشوفه خلاص يااااااااااه اخيرا حلمها هيتحقق وتشوف الولد اللى بتحبه كانت طايره من الفرحه

• كلمته فى الفون مش بيرد هوا قالها انه هيركب الساعه 7 المهم فضلت تتصل لحد الساعه 10 وكان نايم راح صحى ولبس ونزل من البيت الساعه 10 وركب ووصل وهيا راحت تشوفه

• قعدوه فى كافيه قلبها كان بيدق اوى متوترة وخايفه مش عارفه تقول ايه ومكسوفه منه

• الولد : ازيك

• البنت : الحمد لله وانت

• الولد : الحمد لله

• سكوووووووووووووووت والبنت عماله تتفرج على الناس اللى حواليها لانها مكسوفه تبص فى عنيه مجرد ما بتبص لعنيه بتتوتر

• الولد : مالك

• البنت : مافيش

• الولد : امال عماله تبصى على الناس ليه

• البنت : عادى

• الولد : طيب وباعدين

• البنت وباعدين

• الولد : تشربى ايه

• البنت : ممممم عصير فراوله

• وطلب الولد عصير فراوله وكانز بيبسى

• وقعدوه مع بض شويه من غير اى كلام يعنى مكسوفين من بعض او مش عارفين يقولوه ايه غير كلمه واحده وباعدين وباعدين

• وفضلوه ع كده شويه والبنت عنيها دمعت عشان كان الجو فيه تراب اداها منديل وقالها اجبلك قطره قالت ليه لا قالها ليه قالت عشان بخاف احطها قال ليها كويس قالت كويس ايه قال عشان اانا مش هعرف احطها ليكى عشان انا برضه بخاف وفضلوه يضحكوه

• وباعدين جاله رساله عالفون تخص الشغل راحت قالت ليه ممكن اشوفها كانت بتحاول بكل طريقه تقرب منه وقالت ليه لا دى مش حلوة قال انا برضه بقول كده وهغيرها

• وباعدين قالت ليه كلمنى عن نفسك احكيلى فضل يحكى ليها عن اهله واصحابه واخواته وشغله

• وقلها احكى ليا وهيا حكت ليه عن اهلها واصحابها والجامعه

• باعدين قالها انا جعان عايزين نروح ناكل وراحوه ياكلوه وهما بيكلوه كلمها عن الجيش عشان هوا كان هيدخل الجيش وفضلت تسمعه ووراها الورق بتاعه وحكى ليه كل حاجة عنه بصراحه

• وبعد ما خلصوه اكل كانت الساعه 3 كان لازم يسافر وهيا تروح ومشيوه شويه مع بعض وهما مشيوه كانت البنت هتقع فمسكت فيه وهوا مسكها عشان مش تقع

• وحست فعلا انها كل شويه بتقرب ليه اكتر وبتحبه اكتر وبتتعلق بيه

• وقالت ليه انها بتحبه بلاش تبعد عنى

• وهوا قالها انه بيحبها ومش هيبعد وقالها هتوحشينى وصلها وباعدين سافر

• وقالها سامحينى على كل اللى فات وهيا قالت ليه دى صفحه واتقفلت خلاص وهننساها للابد

• وكلمته فى الفون عشان تتطمن عليه وقالها لما اوصل هكلمك

ولكن للاسف الحلو برضه مش بيكمل حل

• البنت طارت من الفرحه اخير الولد اللى بحبه شوفته اخيرا قابلته بعد 8 شهور يااااااااااه احساس روعه ومن كتر فرحتها ما بقتش عارفه تعمل ايه

• الولد فى الطريق كلمته تطمن عليه قالها لما اوصل هكلمك

• نامت شويه وصحيت على مكالمته

• البنت : الو

• الولد : ايوه

• البنت : ايه وصلت

• الولد : اه وصلت

• البنت : الحمد لله

• الولد : بتعملى ايه

• البنت : كنت نايمه ولسه صاحيه

• الولد : معلش انى صحيتك

• البنت : لاعادى انا كنت مستنياك اصلا عشان اطمن عليك

• الولد : طب خلاص روحى كملى نومك

• البنت : لا خلاص

• قالها طب شويه بقى وهبقى اكلمك هروح اكل وكده واكلمك كمان شويه قالت ليه ماشى وانا كمان هروح اكل

• وهوا راح وبعدها بساعتين كلمها

• الولد : الو

• البنت : كل ده بتاكل

• الولد : معلش ياستى اتاخرت عليكى شويه

• البنت : ماشى يا حبيبى عادى

• الولد : انتى بتعملى ايه بقى

• البنت : بعمل مكرونه وكفته

• الولد : مممممم اجى اكل

• البنت: تعالا انا اصلا عامله اكل كتير

• الولد : طب هاجى

• البنت : بجد هيتجى بكرة

• الولد : هههههه انتى ما صدقتى لا عندى شغل

• البنت : ههههههه بهزر معاك انا كمان عندى جامعه

• الولد : طب وباعدين

• البنت : تانى وباعدين

• الولد : صح كفايا باعدين احنا قولنا باعدين كتير وفضلوه يتضحكوه يهزروه مع بعض

• وقالها افتحى الفيس وفتحوه الفيس وفضلوه يتكلموه مع بعض

• عن انها كانت هتقع ويقولها من اول مرة تقعى كده

• وهيا تقوله انا لو كنت وقعت اصلا انت كنت هتقع لانى مسكت فيك

• وهوا يقولها لا ماكنتش هقع

• وهيا تقوله لا كنت هتقع لان احنا كنا ماشيين على حته بتزحلق اصلا

• ويقولها طب لو كنا وقعنا كنت هتعملى ايه

• وهيا تقوله كنت هفضل قاعده اضحك لحد ما يجى حد ويقومنا وكنت هفضل اضرب فيك واضحك وفضلوه يضحكوه مع بعض ويتكلموه

• وكانت مش بتعرف تنام غير على صوته

• وكلمته قبل ما تنام بس قالها كلمه غريبه قالها انا خايف عليكى منى

• وهيا كانت واثقه فيه جدا انه عمره ما هيضرها

• وقالت ليه خاف على نفسك انت بس مش عليا وللاسف الكلمه الوحيده اللى ماثره فيها لحد النهاردة

• ( خافى على نفسك منى )

وللاسف رغم كل التضحيات اللى ضحتها البنت هوا مش قدر اى حاجة ولا فكر غير فى نفسه وبس

• الولد رجع اختفى تانى والبنت هتجنن ليه بعد كل ده يختفى

• عملها بلوك من الاكونت بتاعه ومش بيرد ع الفون

• ياترى ايه حصل

• هتجنن انا غلطت فى ايه انا عملت ايه

• وعماله تبعت فى رسايل انت ليه بتعاملنى كده كل ده عشان حبيتك انت ليه بتعمل معايا كده

• ورجعت تانى للعذاب من غير اسباب

• لكن ربنا حاول يخفف عنها وكانت البنت اللى ضحك عليها بتكلمها كانها اختها وفعلا قررت تساعدها وكانت اول مرة تكلمها فى الفون

• البنت كلمت البنت قالت ليها اللى حصل بينها وبينه

• قالت يمكن مش عجبتيه قالت بس هوا قالى انتى زى القمر وكلمنى بعد ما جهه بيومين يعنى كان معايا بعد ما قابلنى يومين ازاى مش عجبته لو مش عجبته مش هيكلمنى هيسافر ومش هيكلمنى

• قالت ليا فعلا حاجة غريبه

• طبعا البنت المرة دى غير كل مرة المرة دى شافته واتعلقت بيه قبل كده كان كل اللى بينهم فيس المرة دى قررت تسافر عشان تعرف هوا بيعمل معاها ليه كده

• عشان تعرف ليه هوا بيعذبها كده

• واتفقت مع البنت انها تستناها وصلت وقالت لربنا يارب انا مش عارفه اعمل ايه بس هسافر عشان مش افضل اتعذب على الفاضى اى ان كان ايه اللى هيحصل بس هعرف ليه هوا بيتعامل كده وفعلا سافرت تانى يوم الصبح وطول الطريق بتدعى ربنا يقف معاها

• وصلت اخيرا للبلد اللى الولد فيها لقت البنت مستنياها ومعاها تاكسى ركبت لقت البنت منتقبه اللى الولد ضحك عليها خافت حست انها هتخطفها لانها لقتها بتقول للتاكسى ودينا المكان اللى اتفقنا عليه البنت حست نفسها هتتخطف وللاسف مش عارفه اى حد فى البلد راحت صوت وفضلت تقول للناس الحقونى دول خطفونى الحقونى نزلنى وراح الراجل نزلها والبنت جريت وراها قالت ليها انتى عملتى ليه كده قولت انا خايفه

• قالت طب والعمل قالت انا هوقف تاكسى وانتى قولى العنوان وفعلا وقفنا تاكسى تانى وركبنا وقولت البنت العنوان وراحت للولد وقالت ليه انزل انا تحت بيتك هتنزل ولا تحب اطلع ليك راح الولد رد عليها وقالها بطلى تهزرى قالت ليه والله انا تحت بيتك قالها بطلى تهزرى انا نايم ومش فايق قالت والله بجد قوم بص من البلكونة هتشوفنى

• قالت ليه 5 دقايق وتنزل بدل ما اطلع ودليل انى تحت رقم عربيتك كذا الولد اتفاجا ازاى عرفت تيجى ازاى وصلت لبيتى

• نزل الولد وطبعا شاف البنت اللى غلط معاها هيا اللى جابت البنت

• البنت : ليه مش بترد عليا

• الولد : كنت مسافر

• البنت : ده مش مبرر ما انت جيت ليه مش اتصلت بيا اول ما جيت انت كداب

• الولد : انا مش كداب

• البنت : ليه بتعمل كده

• الولد : انا مش عملت حاجة

• البنت : انت شايف كده

• الولد : اه

• وراحت ضرباه فى رجله

• الولد : قولى للى جيباكى عيب اوى اللى بتعمله ده

• البنت : كل اللى همك اللى جيبانى ومش همك انا اللى جايه من بلد لبلد

• الولد : معلش انا ورايا شغل انتى مش اخدتى ميعاه ولا قولتى قبل ما تيحى

• البنت : وهوا انت كنت بترد عليا

• الولد : هخلص الميعاد واجيلك

• البنت : لا مش هتيجى انا عارفه وشكرا

• الولد : هكلمك

• البنت : لاول مرة بتبص فى عنيه وبتقوله ليه عملت معايا كده انا ضحكيت بكل حاجة عشانك ليه عملت معايا كده انا استاهل منك كده

• ومشى وسابها فى الشارع البنت جتت اخدها وقالت ليها مش تزعلى انتى طيبه ومش تستاهلى واحد زى ده

• انا ساعدتك عشان كنت فكرة انه بيحبك وهيتغير عشانك

• بس اللى زى ده مش يعرف حب مش يزعلى

• طبعا البنت اتصدمت وفضلت تعيط وتقول انا بحب ده ازاى حبيته وليه حبيته انا وحشه للدرجة دى عشان يعاملنى كده كل اللى همه انتى وانا اللى جايه من بلد لبلد مش بهمه ده حتى مش خاف عليا انى فى بلد لوحدى

• وراح الولد اتصل بيها تانى

• الولد اتصل بالبنت

• البنت بتعيط وعماله ماشيه فى الشارع مش عارفه اى حاجة بلد غريبه فى وسط ناس مش تعرفهم

• الولد : الو

• البنت : بتعيط ايوه

• الولد : انا اسف مش هقدر اجى

• البنت : انا هسافر

• الولد : انتى لحقتى

• البنت : هقعد ليه انا اصلا مش اعرف حد هنا انا كنت جيالك وشكرا على اللى عملته

• الولد : صدقينى غصب عنى

• البنت : غصب عنك ايه انت اصلا مش بتحبنى والدموع تنزل

• الولد : انتى شايفه كده طب بلاش تعيطى

• وكانت اول مرة يسمعها وهيا بتعيط

• البنت : انت لو بتحبنى كنت جيت كنت عملت المستحيل وجيت

• الولد : انا اسف والله ماعارف اجى ومتوتر جدا ووقعت منى القهوه فى الشغل والله لو عارف اجى هقولك لا ليه

• البنت : خلاص مش تيجى انا هسافر وقبل ما اطلع من بلدك هكسر

• الخط ومش هتعرف عنى حاجة تانى وشكرا على كل حاجة

• الولد : بطلى هزار

• البنت : انا مش بهزر انا لما قولت ليك انا تحت بيتك كنت تحت بيتك ماكنتش بهزر

وركبت البنت عشان تسافر والبنت التانيه ساعدتها جدا رغم انها مجروحه من الولد بس ربنا بعتها عشان تساعد البنت وفعلا ساعدتها واطمنت عليها لحد ما ركبت لكن الولد كان موقفه غريب اوى ازاى قعد يقول للبنت مش تكسرى خطك وهيا مش كسرته ولما اتصلت بيه مش رد عليها

• وياريت اللى تابع القصه يقول ليا رايه فى تصرف الولد والبنت

• البنت استغربت اوى من فين بيقول بلاش تكسرى الخط ومن فين مش بيرد عليها

• راحت بعتت رساله انا عملت حادثه الحقنى

• المهم اتصل بيها بعد ساعه كانت هيا روحت فى البيت

• اتصلت بالبنت شكرتها وقالت ليها انها روحت وقالت شكرا على كل حاجة عملتيها معايا واسفه على اللى عملته معاكى فى التاكسى

• قالت عادى انا مقدره خوفك بس بلاش تتفرجى على افلام كتيره

• قولت معلش انا بتاثر بسرعه بس مش تزعلى اكيد احنا اخوات

• راح الولد اتصل بيها

• الولد : الو مالك فيه ايه

• البنت : مافيش انا فى البيت

• الولد : امال ايه موضوع الحادثه ده

• البنت : بضحك عليك عشان انت مش بترد

• الولد : نفسى اسالك سؤال

• البنت : عارفه انتى ايه اللى جابك

• الولد : ايوه

• البنت : عشان انت مش بترد عليا

• ومامه البنت ندهت عليها والولد قفل ومن يومها مش بيرد

• البنت مش عارفه هوا ليه بيعمل كده حكت لصاحبتها اللى من ع النت دى

• المهم فضلت تطيب فى خاطرها لانها عارفه قد ايه هيا بتحبه

• البنت حاست انه مريض نفسى لان تصرفاته غريبه ومش متوقعه

• قررت انها تساعده تانى وقررت تسافر ليه تانى بس المرة دى بطريقه مختلفه

• راحت اشترت هديه ليه لان عيد ميلاده كان قريب وهيا خافت يروح الجيش من غير ما تشوفه تانى يعنى اخر مرة كانت هتشوفه قررت تروح وجابت هديه وحطتها على عربيته وجابت للبنت اللى بقت صاحبتها اللى هيا اللى ضحك عليها هديه لانها حست انها كويسه وباعدين كل الناس بتغلط وهيا كانت بتسامح لدرجة ماحدش بيتخيلها

• واى حد كان بيشوف البنت دى كان بيقول عليها طيبه وكانت كل الناس بتحبها وبتساعدها

• البنت ساعدتها وراحوه تانى عند بيت الولا وفضلت تتصل وهوا مش بيرد المهم فضلت مستنيه وقالت تعمل ليه مفاجاه وتحط الهديه على العربيه بتاعته وتشوف رد فعله

• وضحكت عليه عشان ينزل بسرعه وقالت الحقنى انا جيت وتهت فى ومش عارفه اتصرف طبعا الولد مش صدقها لانها كدبت عليه قبل كده يوم ما قالت انها عملت حادثه

• بس رد فعله كان غريب ومش متوقع

• راح ماسك الهديه وروماها فى الارض

• البنت حست ان الولد داس على قلبها مش مجرد هديه

• الولد رمى الهديه ومشى

• البنت : وقفت فى حاله ذهول

• البنت صاحبتها مالك

• البنت مافيش

• البنت عنيها تدمع

• البنت صاحبتها مش تزعلنى احنا قولنا انه مريض نفسى

• البنت انا ليا احساس انتى مش حاسه بيا

• البنت صاحبتها معلش بقى

• البنت انا هقابله غصب عنه وهكلمه غصب عنه وافهم هوا ليه بيعمل كده راحت ليه الشغل لقته مشى راحت كلمت واحد صاحبه وقالت ليه اعرف هوا فين انا عايزاه اشوفه حالا

• وبعتت للولد رساله قالت ليه لو مش رديت عليا هروح لابوك فى الشغل واقوله كل حاجة

• هيا كانت بتهدده بس المهم الولد صاحبه كلمه وساله انت فين

• قاله فى مكان بعيد اوى وعلى الرغم من كده البنت مش سابت حلمها فى انها تشوفه حتى لو لاخر مرة وراحت طريق سفر تانى من بلده للمكان اللى هوا فيه ولكن للاسف مش لقته بس رد عليها وقالها كلام غريب وى كانت اخر حاجة بينهم

• الولد : الو

• البنت : انت فين انا جيت ليك

• الولد : مالكيش دعوة

• البنت : انا لازم اشوفك قبل ما اسافر يا اما هروح لابوك

• الولد : روحى انا مش بخاف من حد

• البنت : مش مصدقه نفسها ازاى بيكلمها ويزعق فيها

• الولد : انا مش بخاف من حد اطلعى من دماغى انا عامل دماغ مش تبوظى دماغى بقى

• البنت : نعم مش فاهمه حاجة واقفه مذهوله ومستغربه من كلامه

• الولد : روحى اعملى اللى انتى عايزاه

• البنت : انا عايزاه اشوفك

• الولد : تشوفينى فين انا قاعد بحشش

• البنت : بتحشش

• الولد : اه بحشش تيجى تاخدى نفسين

• البنت : انت بتقول ايه

• البنت مش مصدقه نفسها ولا مصدقه اى حاجة من اللى بيحصل حواليها

• وفعلا كانت دى نهايه القصه البنت قلبها اتكسر وصدقت ان مافيش حب بجد وقررت تتجوز جواز تقليدى زى كل الناس

• وكل شويه بتفتكر الولد وتتعذب اكتر لما بتفتكر كلمه انا خايف عليكى منى وتقول كان عندك حق انا اللى مش صدقتك

• وتدعى ليه ربنا يهديه ويتعالج

• وربنا حاول بخفف عن البنت دى لانها حبته بجد وعشان كده بعت ليها واحد يحبها وعايز يعمل عشانها اى حاجة بس للاسف اللى هيا عيزاه مش هيقدر يعمله وكل شويه بتفتكر الولد وتبعت ليه رساله ان ربنا يهديه وبتقوله صلى ووهيا فعلا بتحبه بس للاسف نصيبها هتتخطب قريب وتنساه بمجرد خطوبتها غصب عنها بس نصيبهم كده

ايه رايكم فى الولد وفى البنت

البناتبوكسمرقصةكتابةوالفيس

شارك معرفتك مع الأصدقاء

اقرأ ايضا

عرض المزيد